తన కూతురు తనకంటే పెద్ద హోదాలో ఉండడంతో ఆ తండ్రి కళ్ళలో సంతోషం కనిపించింది. సీఐ హోదాలో ఉన్న శ్యాం సుందర్.. డిఎస్టీ హోదాలో వచ్చిన తన కూతురికి సెల్యూట్ చేస్తున్న ఫోటో ప్రస్తుతం సోషల్ మీడియాలో చక్కర్లు కోడుతుంది. తిరుపతిలో నిర్వహించిన పోలీస్ ట్యూటీ మీట్ 2021 కార్యక్రమంలో భాగంగా ఈ దృశ్యం కనిపించింది. కూతురికి తండ్రి సెల్యూట్ చేసే ఫోటో సోషల్ మీడియాలో తెగ వైరల్ అయింది. దీనిపై నెటిజన్లు పుల రకాలుగా స్పందించారు. తాజాగా మెగాస్టార్ చిరంజీవి కూడా స్పందించారు.
ఆ ఫోటోను మెగాస్టార్ చిరంజీవి తన ట్విట్టర్ వేదికగా షేర్ చేస్తూ.. “ఆ ఫోటోలో ఉన్నది తండ్రి సీఐ శ్యాం సుందర్ గారు, కూతురు డీఎస్పీ జెస్సీ ప్రశాంతి. తన గుండెల మీద ఎత్తుకుని పెంచిన బిడ్డ, తనపై అధికారిగా వచ్చినప్పుడు ఆ తండ్రి చేసిన సెల్యూట్‏లో బోల్డెంత్ సంతృప్తిని, గర్వాన్ని, ప్రేమని చూసాను. శ్యాంసుందర్ గారు సెల్యూట్. మీ ఇద్దరు ఇంకెందరికో స్పూరి ” అంటూ ట్వీట్ చేశారు.